Thursday 17 May 2012

Nyundakeun Facebook dina Firefox, Chrome, Opera, IE Jeung Safari


Facebook Sunda loba nu make? Kawasna mah kitu, buktina kurang ti 6 minggu, ti 28 Juni 2010 nepi ka poe ieu, 6 Agustus 2010 tabuh 14.07 WIB geus di-download 854 kali. Nepi ka 1 Juni 2011, 4545 kali.

opera-safari-chrome.jpg


Hartina, kira-kira geus aya sakitu tah lobana urang Sunda anu bogaeun komputer atawa gadget canggih, sok pesbukan, jeung masih reueus (atawa ngarasa aneh, kitu?) make basa Sunda. Eta nu dicatet ku pun uing dumasar laporan ti userscript.org. (hapunten 'neplak' Kang Godi Suwarna nu sok nga-'sim uing'keun) Hatur nuhun, pun uing reueusna janten kacida. Reueus ka nu asih ka Ki Sunda.

Facebook Sunda geus rebuan kali diundeur. Leuwih laris tibatan onyet oyag, waditra virtual, jeung aksara ngalagena, flash game ropeaan sim kuring nu leuwih heubeul ayana jeung leuwih lila waktu nyieuna.

Masangkeun Facebook Sunda

Kode javascript Facebook Sunda teh kode anu ditambahkeun (diseselkeun) kana panyungsi loka (browser). Browser aya anu bisa jeung aya anu teu bisa langsung ngajalankeun eta kode. Browser anu teu bisa langsung ngajalankeun skrip kode Facebook Sunda merlukeun pangeuyeub (addon atawa plugin) sejen nu kudu dipasangkeun samemehna.

facebook sunda firefox addon
Nalika munggaran dirilis ka publik, Facebook Sunda dihususkeun pikeun dijalankeun ku pamake Greasemonkey dina panyungsi loka Firefox ti Mozilla. Tapi nyatana, Facebook Sunda bisa dijalankeun oge dina browser sejen. Iwal Chrome jeung Opera nu bisa ngajalankeun skrip kode Facebook Sunda saharita, Internet Explorer jeung Safari mah merlukeun addon pangrojong sewang-sewang.

Salian ti mangrupa skrip pikeun Greasemonkey, add-on dina Firefox Mozilla, kiwari Facebook Sunda oge sacara husus disayagikeun dina wangun Ekstensi Chrome Google.

facebook sunda chrome extention

Masangkeun Facebook Sunda dina Rupa-rupa Browser

Panyungsi Loka (browser)Pangeuyeub
(add-on)
kodeApingan Masangkeun (panduan)
FirefoxGreasemonkeyundeur kodenaCara Masangna (basa Sunda)
Chrome-kedah dipasang ti Chrome Webstore-
Opera-tingali heula carana, undeur kodenaCara Masangna (basa Inggris)
Internet Explorerpasang heula:
GM4IE,
Trixie, atawa
IE7Pro.
Tuturkeun pituduh dina programna!
undeur kodena-
Safaripasangkeun heula: Greasekittingali heula carana,undeur kodenaCara Masangna (basa Inggris)

Facebook Sunda dina Firefox - Mozilla

Pamake Firefox ti Mozilla bisa ngajalankeun Facebook Sunda ku cara samemehna ngundeur sarta masangkeun heula pangeuyeub (addon) greasemonkey. Cara ieu leuwih merenah sabab skrip Facebook Sunda diropea pikeun eta pangeuyeub.


  1. Masangkeun Firefox. Upami teu acan gaduh, pasangkeun heula Firefox versi panganyarna. Mangga klik: Pasang Firefox
  2. Masangkeun Greasemonkey. Greasemonkey bisa dipasangkeun ku cara ngaklik ieu: Greasemonkey
    atawa cara sejena, tina Firefox klik 'Alat' tuluy klik 'Pengaya' (pangeuyeub/addons) tina menu.

    menu alat firefox

    saterusna eusikeun kecap 'greasemonkey' dina kotak 'Cari Pengaya' (teang pangeuyeub/search addons) dina tab 'Unduh Pengaya' (undeur pangeuyeub/download addons) tuluy enter.

    download addons

    Pilihan pikeun masangkeun bakal mucunghul, proses masangkeun Greasemonkey bisa dimimitian. Klik 'Pasang Sekarang' (pasang ayeuna/install now).

    firefox alert

    Tandana yen eta pangeuyeub geus hasil dipasangkeun teh nyaeta dina pojok handap beulah katuhu bakal katingali logo Greasemonkey.

    logo greasemonkey

  3. Masangkeun Facebook Sunda. Facebook Sunda bisa dipasangkeun ku cara ngaklik ieu: Pasang Facebook Sunda dina Firefox atawa cara sejena, mangga longok langsung alamat loka: userscripts.org, klik 'Install'.

    userscript.org

    saupama pidangan caran dina gambar di handap geus katiten, hartina Facebook Sunda geus siap dipasangkeun. Klik 'Install'.

    pasang Facebook Sunda


Mangga lajengkeun kana pesbukan :)

Facebook Sunda dina Chrome - Google

samemehna pelebah dieu ditulisna teh kieu..

"Chrome jieunan Google (poe ieu) mah kawasna panghebatna! Salut euy! Skrip Facebook Sunda nalika diundeur ti userscripts.org bakal langsung dikonversi jadi ekstensi (pangeuyeub; addon dina chrome) sacara otomatis! Ukur sababaraha detik, langsung habek-habek wae Facebook teh disundakeun!"

Kiwari Facebook Sunda sacara husus disayagikeun dina wangun Ekstensi Chrome Google.


Nganggo Chrome? Mangga undeur ekstensina ti Google Webstore.

Upami teu acan gaduh, mangga undeur Chrome versi panganyarna, klik: Pasang Chrome

Facebook Sunda dina Internet Explorer - Microsoft

Pikeun pamake Internet Explorer ti Microsoft, mangga undeur heula salah sahiji pangeuyeub di handap.

  1. Greasemonkey pikeun IE (GM4IE)
  2. Trixie | bhelpuri.net
  3. IE7Pro

Tuturkeun pituduhna!

Facebook Sunda dina Safari - Apple

Pamake Safari, panyungsi loka ti Apple Inc. oge bisa ngajalankeun Facebook Sunda. Mangga pasangkeun heula Greasekit, tingali oge Cara Ngajalankeun Skrip Greasemonkey dina Safari.

Facebook Sunda dina Opera

Dina Opera, Facebook Sunda bisa dijalankeun langsung tanpa kudu masangkeun pangeuyeub nanaon. Tapi aya sababaraha lengkah panataan nu kudu dipigawe. Leuwih jentrena, tingali Cara Ngajalankeun Skrip Greasemonkey dina Opera.

Hayu masangkeun Facebook Sunda, wilujeng pesbukan sareng kade hilap nyerat statusna oge kedah ku basa Sunda! Omat, panataan awal basa Facebook kedah dina basa Indonesia.


Emoticon Emoticon